गजल : आँखा बन्द गरे पनि [रबिन्द्र अनुराग]

आँखा बन्द गरे तापनि ध्यान आउँछ ।

तिम्रो सुमधुर बोली र मुस्कान आउँछ ।।

म यात्राको लागि तयार छु तिम्रो लागि,

अवरोध गर्ने शत्रुको बथान आउँछ ।।

प्रेम आफैमा चिज बडो अचम्मको हुने,

छिनमा मुस्कान, छिनमा तुफान आउँछ ।।

म मर्दा अरूलाई शान्ति मिल्ने भए,

भन्नु १ गोली दाग्न मेरै जवान आउँछ ।।

सामिप्यता खोज्छु जब मेरी प्रियाको,

तब दूरी किन, बनी चट्टान आउँछ ??

© रबिन्द्र अनुराग
- महाकाली नगरपालिका, कञ्चनपुर
हाल : रुकुम सल्ले